ВИТРУВИЙ
ВИТРУ́ВИЙ (Vitruvius) – биздин заманга чейинки Рим архитектору жана инженер. «Архитектура тууралуу он китеп» аттуу байыркы архитектуралык трактаттын автору (китеп биздин күнгө чейин сакталган). Китепте шаар куруу, инженер-техника жана сүрөт маселелери каралып, грек жана рим эллиндик зодчийлигинин тажрыйбасы жалпыланган. Архитектуранын технологиясы жана эстетикалык аспектилери аркылуу «бышык, пайдалуу жана кооз» имараттарды куруу талабы келтирилген. Витрувийдин трактаты XV кылымда кунт коюп үйрөнүлгөн жана XVII–XVIII кылымдагы архитектуралык ордерлердин канондук формасын иштеп чыгууда маанилүү роль ойногон.