ВРОЦЛАВ

ВРО́ЦЛАВ – Польшанын түштүк-батышындагы шаар. Одра дарыясындагы порт. Вроцлав воеводдугу­нун (административдик-аймактык бирдик) борбору. Калкы 633,3 миң (2005); калкынын саны боюнча өлкөдөгү 4- шаар. Машина куруу, химия, жеңил, жыгаччы­лык, тамак-аш өнөр жайы; университет, бир нече илим-изилдөө институттары, китепкана, Польша ИАнын бас­масы, опера театры, Силезия, архитектура музейлери бар. 10-кылымдан эскерилет. Силезиянын башкы шаары, бир топ кылым (1945-ж. жылга чейин) немис­тердин үстөмдүгү астында болгон. 13–16-кылымдагы ратуша, 13–18-кылымдагы костёлдор м-н үйлөр, «Кылым залы» (Эл үйү; 1911–13), Бириккен жерлердин көргөзмө комплекси (1948-жыл­дан) бар.