ГОМОГЕНДИК СИСТЕМА

ГОМОГЕНДИК СИСТЕ́МА (гр. $homogen{\shortmid \over e}$$s$ – бирдей, бир тектүү ) – мейкиндикте бир орундан экинчисине которулганда химиялык курамы, температурасы, басымы, чыӊалышы ж-а индукция векторлору, тыгыздыгы ж. б. физикалык касиеттери үзгүлтүксүз өзгөргөн термодинамикалык система. Ал бир тектүү ж-а бир тектүү эмес болуп айырмаланат. Бир тектүү гомогендик системанын түрдүү бөлүктөрүндө касиети бирдей, ал эми бир тектүү эмесинде ар түрдүү болот. Газ аралашмалары, катуу же суюк эритмелер гомогендик системанын мисалы болуп эсептелет.