БАКИР
БАКИР уулу Турсунбай (17. 3. 1958-жылы туулган, Ош облусу, Кара-Суу шаары) - коомдук ишмер, КРдин алгачкы Акыйкатчысы (2002-жылдан). КМУнун тарых факультетин (1984), Киев мамлекеттик университети-
нин аспирантурасын (1990) бүтүргөн. 1975-77-жылдарда «Ошкурулуш» трестинде, Фрунзе темир-бетон буюмдарын жасоочу заводунда жумушчу, 1984-95-жылдарда ОшМУда окутуучу, улук окутуучу болуп иштеген. КРдин Жогорку Кеңешинин Мыйзам чыгаруу жыйынынын депутаты (1995-2000; 2000-02). Философия илимдеринин кандидаты (1990). Мамлекеттик кызматтын 1-класстагы мамлекеттик кеңешчиси. КРдин атайын ж-а ыйгарым укуктуу элчиси. Акыйкатчы (Омбудсмен) катары жарандардын укугун өлкөдө ж-а эл аралык деңгээлде коргоп келген. Медалдар м-н сыйланган.