БАКЧА ӨСҮМДҮКТӨРҮ
БАКЧА ӨСҮМДҮКТӨРҮ - ашкабактар тукумундагы эгилме өсүмдүк тобу (дарбыз, коон, ашкабак ж. б.). Азия, Африка ж-а Американын тропик, субтропик өлкөлөрүнөн алынып келинген. Алар төшөлүп же чырмалып өсөт. Жылуулукчул (25-30°С) өсүмдүктөр. Кыргызстанда которуштуруп айдоо жолу м-н эгилет, дың жерге, кысыр аңызга айдаса көп түшүм берет. Алар бышканда желет (дарбыз, коон), куурулуп, бышырылат, маринаддалат (ашкабак, кабак, патиссон), кургатылат. Бакча өсүмдүктөрүнөн цукат, бал, пюре алынат. Тоют катары (ашкабак, тоют дарбызы, коон) жаңы кезинде же саман, жүгөрү ж. б. кошуп, силостолуп берилет. Дарбыз, коон, ашкабак данынан май алынат. Зыянкечтери: бакча бити, бакча эл кайда көчөтү, шалбаа көпөлөгү, дарбызчы чымын. Илдеттери: ак чирик, кара чирик, фузариоз, антракноз.