ВЯТКИН
ВЯ́ТКИН Михаил Порфирьевич [9(21).8.1895, Оренбург – 7.12.1967, Ленинград (Санкт-Петербург)] – тарыхчы, Кыргыз ССР ИАнын корреспондент-
мүчөсү (1954), профессор (1946). 1921-жылы Томск университетин бүтүргөн. 1934-жылдан СССР ИАнын Ленинграддагы бөлүмүнүн илимий кызматкери ж-а башчысы. Ал көчмөн элдердин, асыресе казак-кыргыздын ж-а Россиянын 19–20-кылымдагы социалдык-экономикалык тарыхын изилдеген. Кыргыз ССР тарыхынын 1-, 2-, 3-басылышын даярдоодо редактор ж-а авторлорунун бири. «Баатыр Срым» аттуу эмгеги үчүн СССР мамлекеттик сыйлыгы ыйгарылган (1948).
Эмг.: Социально-экономическое развитие Средней Азии. Ф., 1974.