БАЛ ТАРТКЫЧ
БАЛ ТАРТКЫЧ - бал тартуучу курал. Аны чехословакиялык бал челекчи - конструктор Груш 1865-жылы ойлоп чыгарган. Анын бир нече түрү бар. Бал тарткыч кашектүү, айланган барабандуу челектен ж-а кыймылга келтиргичтен турат. Бал челектин уячаларынын оозу ачык балдуу рамкалары кашекке орнотулат. Барабан айланганда челектин бооруна бал чачырап, түбүнө жыйылат да, чоргодон тышка агат. Демейде челегинин бийиктиги 820 мм, диаметри 600 мм, идишине 30 л бал батат. Азыр электр м-н кыймылга келтирилүүчү бал тарткыч бар.