БАЛТАГУЛОВ
БАЛТАГУЛОВ Төрөгелди (1920, Жалал-Абад облусу, Ала-Бука району, Кош-Алмурут айылы –1966, Фрунзе) – коомдук жана мамлекеттик ишмер. Кыргыз мамлекеттик педагогикалык институтун, Москвадагы жогорку партиялык мектепти бүтүргөн. 1941–1944-жылдарда Жалал-Абад облусунун Ала-Бука районунда мектепте мугалим, директор, райондук элге билим берүү бөлүмүнүн башчысы, Кыргызстан КП Ала-Бука райкомунун уюштуруу бөлүмүнүн башчысы, Кыргызстан ЛКЖС Жалал-Абад обкомунда пропаганда бөлүмүнүн башчы-
сы, 1944–1949-жылдарда комсомолдун Жалал-Абад обкомунун 1-секретары, 1953–1955-жылдарда партиянын Ош обкомунун секретары, эмгекчилер депутаттарынын Ош облустук советинин аткаруу комитетинин төрагасы, 1955–1962-жылдарда Кыргызстан КП Жалал-Абад обкомунун 1-секретары, эмгекчилер депутаттарынын Ош облустук советинин аткаруу комитетинин төрагасы, партиянын Ош обкомунун 1-секретары, 1962-жылдан профсоюздардын республикалык советинин төрагасы болуп иштеген. Кыргыз ССР Жогорку Советинин (1955–1959), СССР Жогорку Советинин (1958–1966) депутаты. Ленин, Эмгек Кызыл Туу, «Ардак Белгиси» ордендери менен сыйланган. Райондун борборундагы мектепке, көчөгө ысмы берилип, айкели тургузулган.