БЕКМУРАТОВА

БЕКМУРАТОВА Салима Саидовна (17. 12. 1932, Ош облусу, Кара-Суу району, Жылкелди кыштагы – 13.10.1995, Бишкек) – опера ырчысы (лири­калык сопрано), Кыргыз ССР эл артисти (1973).

Бекмуратова Москвадагы П. И. Чай­ковский атындагы мамлекеттик консер­ваторияны бүткөндөн ки­йин (1952) А. Малдыбаев атындагы Кыргыз мамлекеттик опера ж-а балет театрында, 1977- жылдан Т. Сатылганов атындагы Кыргыз мамлекеттик филармо­ниясында эмгектенген. Ал Орто Азия республикалары м-н Ка­закстан ырчыларынын ичи­нен биринчи болуп, 1953-жылы Бухарестте өткөн Бүткүл дүйнөлүк жаштар м-н студенттердин 4- фестивалында Алтын медалга татыктуу болгон, ырчылардын Бүткүл союздук конкурсунун дип-

«Токтогул» опера­сы. Тотуя – Кыргыз ССР эл артисти С. Бекмуратова.

ломанты (1957). Бекмуратова дүйнөлүк ж-а кыргыз ком­позиторлорунун операларынан 30дан ашык партия аткарган: Баттерфляй (Ж.Пуччини,

«Чио-чио-сан»), Виолетта, Жильда (Ж. Верди, «Риголетто», «Травиата»), Гүлчехра (У. Гажи­беков, «Аршин мал алан»), Айчүрөк, Тотуя (А. Малдыбаев, В. Власов ж-а В. Фере, «Айчү­рөк», «Токтогул»), Айнажан (М. Абдраев, «Жаш жүрөктөр») ж. б. Концерттик ырчы катары да белгилүү. Чет өлкөлөрдө гастролдо болгон. Кыр­гыз адабияты м-н искусствосунун Москвада өткөн 2-он күндүгүнүн катышуучусу (1958). Анын аткаруу­сунда 500дөн ашык опералардан ариялар, ыр­лар, романстар Бүткүл союздук ж-а Кыргыз ра­диосунун алтын казынасына жазылган. КРдин Токтогул атындагы мамлекеттик сыйлыгынын лауреаты (1986). Эм­гек Кызыл Туу, «Ардак Белгиси» ордендери ж-а медалдар м-н сыйланган.

Ад.: Алагушов Б. Кыргыз Улуттук филармониясы. Б., 2206.