БЕЛ-АЛДЫ
БЕЛ АЛДЫ – Жалал-Абад облусунун Токтогул районундагы кыштак. Бел-Алды айыл өкмөтүнө караштуу. Бел-Алды тоосунун түштүгүндө, деңиз деңгээлинен 1380 м бийиктикте жайгашкан. Райондун борбору Токтогул шаарынан 45 км түндүк-чыгыш тарапта. Таш-Көмүр темир жол бекетинен 180 км. 1900-жылы отурукташкан. Калкы 1001 (2002); негизинен мал чарбасында эмгектенет. Орто мектеп, ФАП, китепкана, 2 тегирмен, дүкөн, май чыгаруучу цех бар.