БЕЛЁВ
БЕЛЁВ Анатолий Васильевич (29. 4. 1938-жылы туулган, Спасс району, Ижевск кыштагы) – гидрогеолог, Кыргыз ССР Мамлекеттик сыйлыгынын лауреаты (1987). Новочеркасск геологиялык чалгындоо техникумун (1956), Москва шаарындагы Бүткүл союздук политехникалык институтун бүткөн (1964). Кыргыз комплекстүү гидрогеология экспедициясынын партияларында инженер, улук инженер-гидрогеолог, участоктун начальниги (1968–72), партиянын башкы гидрогеологу (1972–96) болуп иштеген. Кыргызстандын жер астындагы сууларын издөө ж-а чалгындоодо чоң эмгек сиңирген.