БЕЛЯЕВ

БЕЛЯ́ЕВ Александр Романович [4(16).3.1884, Смоленск – 6.1.1942, Ленинград обл., Пушки­но] – орус жазуучусу. Смоленскидеги диний се­минарияны (1901), Демидов юрид. лицейин (1906) бүтүргөн. Адабий дебютун «Мойрдун чоң энеси» (1914) деген пьеса-жомогун жазуудан баш­таган. 1925-ж. Ж. Верндин таасиринде «Про­фессор Доуэлдин башы» аттуу биринчи ил. фан­тастикалык аңгемесин ж-а «Атлантидадан акыр­кы адам» повестин жарыялаган. «Аралдагы сууга чөгүп жок болгон кеме» (1926–37), «Адам­амфибия» (1928), «Аба сатуучу», «Чексиз аалам» (1929), «Ариэль» (1941) ж. б. ил.-фантастика­лык романдарында адамдардын табияты шарт­таган чектелүүлөрдү жеңип чыгуулары, окумуш­туулардын өздөрүнүн ойлоп табуулары үчүн жоопкерчилиги чагылдырылган. Б. чыгарма­ларынын сюжетинин кызыктуулугу м-н 20-к-дагы ил.-фантастиканын классиги катары таанылган.