БЕРИЛЛ

БЕРИ́ЛЛ (гр. beryllos) – силикаттар тобундагы минерал. Химиялык формуласы Bе₃Al₂ [Si₆O₁₈]. Гекса­гон сингониясында кристаллданат. Катуулугу

Моос шкаласы боюнча 7,5–8. Салыштырма салмагы 2,6–2,8. Ай­нектей жалтырак. Өңү ар түрдүү: көгүлтүр түстөгү­сү – аквамарин, жашылы – изумруд, саргычы – гелиодор, кызгылты – воробьевит, мала кызгылт же түссүзү ростерит деп аталат. Негизинен пег­матитте, грейзенде, скарнда кезигет. Берилл – берил­лий алынуучу негизги кенташ. Кээ бир кооз түрү кымбат баалуу асылташ катары колдонулат.