БЕРКОВ
БЕ́РКОВ Павел Наумович [2.(14).12.1896, Белгород-Днестровский – 9.8.1969, Ленинград] – орус адабиятчысы, СССР ИАнын корр. мүчөсү (1960). Ал 18–20-к-дагы орус ад-ты, анын чет эл ад-ттары м-н байланыштары, театр, журналистика, китептаануу, библиография, адабияттаану у ну н т ехни к ас ы ж-а мет оди к ас ы б-ча көптөгөн эмгектерди, СССР элдеринин ад-ттарын изилдөөгө арналган бир нече макалаларды жазган. «Манас» эпосун иликтөөгө да көңүл бөлүп, «Алтайский эпос и Манас» деген макала жазып, «Манас» эпосун түрк тилдүү башка элдердин эпостору м-н катар О. Азия м-н Казакстанда кеңири жайылткан. «Алпамыш» ж-а алтайлыктардын «Алып-Манаш» аттуу эпикалык чыгармалары м-н салыштырып караган. К. Сагидова м-н бирдикте «Манас» эпосу ж-дөгү ад-ттар б-ча 700дөн ашуун наамдан турган библиогр. көрсөткүчтү түзгөн.