БИЗЕ

БИЗЕ́ Жорж (25. 10. 1838, Париж – 3. 6. 1875, Парижге жакын Буживаль) - француз композитору. Музыканттын үй-бүлөсүнөн. париж консерваториясына 10 жашында кабыл алынып, аны 1857-жылы бүткөн.

«Кловис жана Клотильда» кан­татасы үчүн Чоң Рим сыйлыгын алган. Бизе 20дай опера жаз­ган. «Акак издөөчүлөр» (1863), «Перт сулуусу» (1866), «Арлезиан кызы» (1872) жана башка чыгармаларында реа­листтик тенденциялар таа­сын көрүнөт. Бизенин чыгармачылы­гынын туу чокусу – «Кар­мен» операсы (1874), 1875-жылы Парижде коюлган. Бизенин оркестрдик чыгарма­лары: «Рим» (1868), «Мекен» драмалык увертюра­сы (1874) жана башкалар «Апрель ыры», «Пастораль», «Эл кайда көчөт» сыяктуу романстары француз во­калдык лирикасынын мыкты үлгүлөрүнө кирет. Бизенин «Кармен» операсы 1949-жылдан А. Мал­дыбаев атындагы Кыргыз улуттук опера жана балет театрында коюлуп келе жатат.