БИЙ АЛМА
БИЙ АЛМА , б и х и (Cydonia) – роза гүлдүүлөр тукумундагы өсүмдүк уруусу. Бийиктиги 1,5–7 мдей. Калың шактуу, жалбырагы жазы, жумуртка сымал, гүлү чоң, жалгыздан, тамыры жерге терең кирип өсөт, жылуу, нымдуу жерде жакшы
өсүүчү дарак өсүмдүк. Бир түрү – кадимки бий алма Европа, Түндүк Америка, Японияда ж-а Кыргызстандын түштүгүндө жапыз дарак же бадал сыяктуу өсөт. Саргыч, аңкыган жыттуу мөмөсү октябрь–ноябрда бышат. Мөмөсү алмага окшош, андан кыям, мөмө-жемиш килкилдеги жасалат. Бий алма – алмурут м-н кыйыштырылат ж-а кооздук үчүн өстүрүлөт.