БИСАУ

БИСА́У – Гвинея-Бисау мамлекетинин борбор шаары; Бисау автономия секторунун административдик борбору. Калкы 492 миӊ (2015). Атлантика океанындагы порт. Эл аралык аэропорт; күрүч тазалоо, май, карапа чыгаруу ишканалары, тамак аш, тактай тилүү, эмерек, жеӊил өнөр жай, тарыхый-көркөм музейи бар. Сыртка пальма майын ж-а пальма жаӊгагынын данегин, жер жаӊгак, тери, жыгач материалдарын чыгарат. 17 кылымдын аягында португалдар негиздеген. Кеме ремонттоочу мастерскою иштейт.