ДИКИХ
ДИ́КИХ Анатолий Никитич (1937-жылы туулган, Фрунзе) – география илимдеринин доктору (1998). 1959-жылы КМУнун география факультетин бүтүргөн. 1959-жылдан Кыргыз ССР ИАнын Тянь-Шань бийик тоолуу физикалык-географиялык станциясында лаборант, кенже, улук илимий кызматкер, лаборатория башчысы, кийин директору, 1995-жылдан КР УИАнын геология институтунун директорунун орун басары. Эмгектери Кыргызстанда, ошондой эле Россияда (Москва, Санкт-Петербург, Томск шаарларында) ж-а алыскы чет өлкөлөрдө да басылып чыккан. Гляциология, гидрология ж-а климатология боюнча адис. Диких – 95ке жакын илимий эмгектин, анын ичинде 8 монографиянын автору.
Эмг.: Кыргызстандын бийик тоолуу зоналарынын кар катмары. Ф., 1978; Тянь-Шандын азыркы мөңгүлөрүнүн режими. Ф., 1982; Тянь-Шань мөңгүлөрү. Б., 1995.