«ДОРДОЙ»

«ДОРДОЙ» – көп тармактуу жеке менчик ком­пания. 1991-жылы «Дордой» базары катары негиз­делген. Бишкек шаарынын түндүк чекесинде жайгаш­кан. 100 гадан ашык аянтты ээлейт. Базарда 30

Ассоциациянын жетекчиси А. Салымбеков.

миңден ашуун адам эмгектенет. «Дордой» базары республиканын казынасына жылына 100 млн сом кө­лөмүндө салык төлөйт. Ал соода-сатык иштери м-н катар эмерек‚ пластик ж-а аллюминий буюмдарын‚ курулуш материалдарын жасоо‚ жүргүнчүлөрдү ж-а жүктөрдү ташуу‚ медициналык‚ кон­салтинг ж-а юридикалык кызмат көрсөтүү боюнча‚ ошондой эле туристтик ж-а оюн-зоок комплекстери бар ас­социацияга айланды. «Дордойдун» республиканын регион­дорунда структуралары бар. Бишкекте «Дордой плаза»‚ «Дордой моторс» соода үйлөрү‚ «Ала- Тоо»‚ «Октябрь»‚ «ВЕФА» кинотеатрлары‚ На­рын шаарында арт-галерея‚ «Плаза» соода борбору‚ Ысык-Көлдө «Дордой» пансионаты‚ Нарын обл­усунун Ат-Башы районундагы «Кошой-Коргон» тары-

Базардын кире бериши.

хый-маданий музей-комплекси‚ «Плаза» соода борбору‚ Чүй облусунун Аламүдүн районундагы «Кой-Таш» туристтик комплекси иштейт. Ас­социация адамдарга кайрымдуулук колдоо көр­сөтүүгө‚ «Дордой-Динамо» командасын, «Көкбө­рү» улуттук оюндар клубун финансылоого‚ маданият ж-а искусство‚ адабият‚ медицина‚ билим берүү‚ спорт ишмерлерин финансылык колдоого ж. б. иш-чараларга жылына млндогон сом сарптайт. Жай мезгилинде «Дордой» пансионатында көп балалуу‚ жакыр үй-бүлөлөрдүн 400дөн ашуун балдары бекер эс алып‚ ден соолугун чыңдашат. «Дордой» Кытай‚ Түркия‚ Венгрия‚ Финляндия‚ Швей­цария‚ Америка сыяктуу өлкөлөрдөгү өнөктөрү

Бишкектеги «Дордой плаза» соода үйү.

м-н тыгыз байланышта иштеп‚ эл аралык кыз­матташууга да өз салымын кошууда. «Шоро» фирмасы м-н бирге Кытайда улуттук суусундук чыгаруучу комбинатты курду. Элибиздин мада­ний‚ тарыхый мурасын сактоо максатында Ор­мон хан‚ Тайлак баатыр‚ Муса Баетов‚ Ажыбек баатыр‚ Казыбек казалчы ж. б. белгилүү инсан­дардын мааракелерине карата алардын айкел­дерин тургузуу‚ китептерди чыгаруу‚ конференциялар­ды өткөрүү‚ ошондой эле «Кошой-Коргон» комплексин­де археологиялык изилдөөлөрдү жүргүзүү иштерин фи­нансылаган. ЖОЖдордо «Дордойдун» атайын стипен­диясын алып окуган студенттердин саны өсүүдө.