ДОРИЙЛИКТЕР
ДОРИЙЛИКТЕР , д о р я н д а р – байыркы грек урууларынын негизгилеринин бири. Адегенде Түндүк ж-а Ортоңку Грекияны мекендешкен. Болжол м-н б. з. ч. 12-кылымдын башында Грекиянын түштүк-батыш райондорун ээлеген. Дорийликтер жашаган аймактарда мамлекеттер эрте (б. з. ч. 8– 6-кылымдар) калыптанып, аларда өндүрүштүн кул ээлөөчүлүк ыгы м-н катар уруучулук түзүлүштүн көп калдыктары узак убакытка сакталып турган.
Ад.: Колобова К. М. Из истории раннегреческого общества (о. Родос IX–VII вв. до нашей эры). Л., 1951.