ДҮЙШЕЕВА
ДҮЙШЕЕВА Жамийла (1919, Ысык-Көл облусу, Түп району, Токтоян айылы – 2006, ошол эле жер) – механизатор, Социалисттик Эмгектин Баатыры (1957). 1942- жылдан Талды-Суу МТСинде комбайнчы ж-а тракторчу, Түп районундагы
Ленин комсомолу атындагы колхоздо (азыркы «Мырза-Белек» айыл чарба коллективи) бригадир болуп иштеген. Ал 1955-жылы комбайн м-н 231 га эгин чаап, 2795 ц, 1956-ж., ошол эле аянттан 3007 ц дан бастырган. 1957-жылы 19 жумуш күнүндө 250 га эгин оруп жыйнаган. 1959–63-жылдарда Кыргыз ССР Жогорку Советинин депутаты. Эки Ленин ордени м-н сыйланган.