ДИМЕТИЛАМИН
ДИМЕТИЛАМИ́Н (СН3)2NH – экинчилик алифаттык амин, түссүз, жагымсыз кескин жыттуу газ. Эрүү t – 92,2°С; кайноо t – 6,9°С, сууда, органикалык эриткичтерде эрийт, кислоталар м-н кристаллдык туздарды пайда кылат. Өнөр жайда метил спиртинен ж-а аммиактан, ошондой эле формальдегид ж-а хлордуу аммонийден алынат. Диметиламин дары-дармектерди, ракета отунунун компоненттерин (диметилгидразин), вулканизацияны ылдамдаткычтарды алууда ж. б. максаттарга колдонулат. Белок заттарынын чирүүсүнөн пайда болот.