ДИМОРФИЗМ
ДИМОРФИ́ЗМ (ди... – ж-а гр. morphe – форма) – физиологиялык белгилери боюнча айырмаланган эки форманын болушу. Жаныбарларда көбүнчө жыныстык диморфизм учурайт. Бир түрдүн особдорунун эркеги м-н ургаачысы морфологиялык өзгөчөлүктөрү боюнча айырмаланат. Мисалы, кыргоолдун ургаачысы м-н эркегинин тышкы түспөлү, канаттарынын түсү боюнча өзгөчөлөнүшү. Диморфизмдин пайда болушу жыныстык тандалуу м-н тыгыз байланышта. Диморфизмдин 2 түрү: туруктуу диморфизм – (короз – мекиян, бугу – марал), мезгилдик диморфизм – (көбөйүү мезгилиндеги кескин айырмачылыктар белгилүү), мисалы, көбөйүү мезгилинде балыктардын эркегинин ачык-кооз түскө ээ болушу. Өсүмдүктөрдө да мезгилдик, экологиялык диморфизм байкалат.