ЕЛЕНИН
ЕЛЕ́НИН Николай Николаевич (1892, Москва – 1944, ошол эле жер) – ырчы, режиссёр, кыргыз профессионал театр иск-восуна негиз салгандардын бири. Одесса ун-тинин филология ф-тин бүтүргөн, Миланда окуган. 1926-ж. чейин Ташкентте муз. театрларда ырчы ж-а режиссёр катары иштеген. 1926-ж. Фрунзеге келип, кыргыз муз. драма студиясын уюштурган, ага башчы ж-а көркөм жетекчи болгон. «Молдо Насирдин» комедиясын койгон (1927). Е. кыргыздын элдик музыкасын ж-а ырларын жыйнаган. Ал кыргыз иск-во кадрларын даярдоодо көп эмгек сиӊирген.