ЖАДЫ
ЖАДЫ – малга чөп, саман (бакал), пая туурап берүү үчүн колдонулуучу чарба шайманы. Ж-нын кескичинин уз. 60–80 см. Бир учу узун эки жалпак темирдин арасына бекитилет да, Ж-ны көтөрүп-басып иштеткенде, көп кыймылдабай турган салмактуу жалпак дөңгөчтүн ортосуна оюп киргизилет. Ж-нын кескичинин сабы эки колдоп басууга ылайыкталып, жыгачтан жасалат. Ж-да чөп, саман тууроо үчүн 2 адам иштеген. Учурда Ж. м-н иштөө да механикалаштырылган.