ЖАКЫРЧЫЛЫК
ЖАКЫРЧЫЛЫК – жеке адамдын же анын үйбүлөсүнүн кирешеси алардын негизги керектөөсүн канааттандырбаган абал. Ж. кандайдыр бир көрсөткүчкө ээ эмес. Түрлөрү: а) абсолюттуу мамиле – тиричилик минимумун же жакырчылык деңгээлин белгилөөнү түшүндүрөт; б) салыштырмалуу мамиле – орто кирешенин 50% деңгээлинде Ж. чегин белгилөөнү түшүндүрөт; в) субъективдүү мамиле. Көрсөтүлгөн мамиленин бирин да Ж-ты аныктоодо так деп атоого болбойт. Жакыр элдин динамикасы‚ курамы ж-а социалдык кыймылдуулугу олуттуу болуп саналат. Ж. көрсөткүчү жакырчылык деңгээлинен (жакырчылык чегинен) төмөн жашаган‚ б. а. кирешеси тиричилик минимумунан аз калктын үлүшү болуп эсептелет. Бул көрсөткүч өз кезегинде кирешени бөлүштүрүүнүн теңсиздигине ж-а жакырчылыктын чегинин жогорулашына жараша болот.