ЖАЛПАК КУРТТАР
ЖАЛПАК КУРТТАР (Plathelmintes) – жөнөкөй түзүлүштүү курттар тиби. Денеси кош симмет-
риялуу, узун, жалпак. Уз. 0,2 ммден 18 мге чейин жетет. Эркин жашоочуларынын денеси кирпикчелүү эпителий м-н, мителериники ядросуз катмар (тегумент) м-н капталган. Мителеринин соргучтары бар. Ж. к. алгачкы ооздуу, алардын дене көңдөйү жок (органынын ортосу паренхима м-н толгон), үч түйүлдүк жалбыракчалардан – экто-, энтож-а мезодермадан өөрчүйт ж-а кан тамыр, дем алуу органдары жок.
Ж. к-дын ичинде киши ж-а жаныбарларга коркунучтуу мителер да бар. Алар морфол.-физиол.
өзгөчөлүктөрүнө жараша 3 класска (кирпикчелүүлөр, соргуч курттар ж-а тасма курттар) бөлүнөт. 12 500гө жакын түрү белгилүү. Деңизде, тузсуз сууда ж-а кургакта жашап, дээрлик көбү мителер.