ЖАТЫНДАН ТЫШКАРЫ БОЙГО БҮТҮҮ
ЖАТЫНДАН ТЫШКАРЫ БОЙГО БҮТҮҮ –
түйүлдүктүн жатындын сыртында өөрчүшү. Анда аялдын жыныс органдарынын, көбүнчө жатын түтүгүнүн өзгөрүүлөрү (жабышып, ийилип калышы ж. б.) уруктанган энелик клетканын жатынга түшүшүнө тоскоолдук кылат, ал жатын түтүгүндө, энелик безде, ич көңдөйдө өөрчүй баштайт. Жатын түтүгүндө бойго бүтүү көп кездешет. Кээде жыныс органдарынын өөрчүп жетилбей калышынан (инфантилизм), о. эле бойго бүтүүдөн сактанууда зыяндуу ыкмаларды колдонуудан болот. Бул учурда этек кир кечигип, кийинчерээк жыныс кынынан киргилденген кан келет. Кандын иретсиз келүүсү көпкө созулат. Ичтин төмөн жагы катуу ооруп, ал кетип, баш айланып, эстен танат, кан басымы төмөндөйт, канда эритроцит, гемоглобин азаят. Мындай белгилер байкалары м-н врачка кайрылуу керек.
Өз алдынча дарыланууга болбойт. Аны дарылоонун жалгыз жолу – өз убагында операция жасоо. Операциядан 1–2 жылдан кийин гана
врач м-н кеңешип бойго бүтүрүүгө болот. Анын алдын алууда аялдар өздүк ж-а жыныстык гигиенаны сактоосу, о. эле дайыма текшерилип, жыныс органдарынын оорусун өз убагында аныктап, дарылануусуу чоң мааниге ээ.