ЖУГЖУР
ЖУГЖУР – Ы. Чыгыштагы кырка тоо. Россиянын Хабаров крайында. Охота деңизинин түн.- батыш жээгин бойлой 700 кмге созулуп жатат.
Алдан д. м-н Охота деңизинин алаптарынын суу бөлгүчү. Эң бийик жери 1906 м (Топко чокусу). Негизинен магма, бир аз чөкмө тектерден турат. Орто бийик тоо рельефи мүнөздүү. Көп жылдык тоң кыртышы бар. Батыш капталын даурия кызыл карагайлуу, чыгышын аян карагайлуу тайга ээлейт; бийик беттерде жапалак кедр өсөт.