ЖЫЛДЫЗЧА МӨҢГҮСҮ

ЖЫЛДЫЗЧА МӨҢГҮСҮ Какшаал кырка тоо­сунун түндүк капталында, Борбордук Теңир-Тоодо. Түштүк Эңилчек мөңгүсүнүн негизги тармагы. Узундугу 16,5 км, аянты 91,8 км². Мөңгүнүн башы деңиз деңгээлинен 7439 м (Жеңиш чокусу) бийикте, 4110 мде не­гизги мөңгүгө кошулат. Кар чегинин бийиктиги 4150 м. Мөңгү бүт бойдон фирн облусунда жа­тат. Негизги мөңгүнүн өрөөнүндө туурасы 1 км келген тилкени түзөт. Фирн облусу дээрлик Же­ңиш чокусунун түндүк капталында жатып, теп­кич сымал кертилген муз жаракалары м-н та­таалданган.