ЖЫЛУУ ДЕҢИЗ АГЫМДАРЫ
ЖЫЛУУ ДЕҢИЗ АГЫМДАРЫ – белгилүү бир кеңдиктеги жалпы океан суусунун температурасынан жылуураак болгон деңиз агымы. Адатта жылуу агымдар төмөнкү кеңдиктерден жогорку кеңдиктерди карай агат. Жылуу агымдар буулануу көп болгон аймактардан келгендигине байланыштуу суусунун туздуулугу жогору болот; мисалы, Гольфстрим, Куросио жылуу агымдары. Арктика, Антарктика тараптан келген муздак жээк агымдарына жылуу деңиз агымдары беттешкенде, ылдамдыгы күчөйт, к. Деңиз агымдары, Муздак деңиз агымы.