ГРАНУЛДОО

ГРАНУЛДОО ( лат. granulum – бүртүк) – затты майда күкүм-бүртүктүү формага келтирүү. Гранулдоо заттын технологиялык касиетин жакшыртат, аны майда порциялар м-н пайдаланууга мүмкүндүк түзөт, батташтырбайт, жүктөөнү ж-а ташууну жеӊилдетет. Металлургия, энергетика, химия өнөр жай, айыл чарбада ж. б-да колдонулат. Гранулдоо методу ар кандай: металлургияда – эриген суюк металлды суунун агымы, кысылган аба, азоттун же суунун буусу м-н иштетишет; химия өнөр жайында көӊдөй, бийик мунарада эритмелерди чачыратуу, күкүм түрүндөгү матералдарды тыгыздоо жолу м-н жасашат; айыл чарбада болсо гранулданган тоют алынат.