ГУАШЬ
ГУА́ШЬ (итал. guazzj – суу боёгу) – живопись үчүн жасалган боёочу материал жана ушул боёктор менен тартылган сүрөт ыкмасы. Технологиялык жактан Гуашь салыштырмалуу акварель боёкторунун жумшак сортторуна жакын, бирок боёктун өзүндөгү ак боёк кошундусу менен алардан олуттуу айырмаланат. Гуаштын бир түрү (эмульсиялык типтеги чапташтыруучу) өзүнүн курамы жана касиеттери боюнча гуммиарабикадагы темперага окшош. Гуашь боёктору менен иштелүүчү живопистеги техника да Гуашь деп аталат. Гуашь менен иштөөдө боёкторду сууга эзип алып, көбүнчө кагазда иштешет. Акварелден айырмаланып, Гуашь живописи темпера сыяктуу жетишерлик калыӊдыкта түссүз ак боёк кошулган катмарды пайда кылат. Кургаганда Гуашь темперадан көбүрөөк агарат, себеби темперада боёочу катмарлар, эреже катары, абдан калыӊ болот.
