КАЗАРМАН ШААР КАЛДЫГЫ
КАЗАРМАН ШААР КАЛДЫГЫ – 10–12-к-га таандык археол. эстелик. Нарын д-нын сол жээгиндеги Казарман кыш-нын тушунда жайгашкан. Сакталып калган дубалынын бийикт. 3 м, бурчтарында ж-а борборунда жарым ай түспөлүндө мунаралары болгон. Түн., батыш ж-а чыгыш дубалдарынын уз. 100 мге чейин жеткен. 1949-ж. А. Н. Бернштам изилдеген. Убагында Тогуз-Торо өрөөнүн душмандан коргогон чеп болгон. Эстелик кароосуз калгандыктан, анын билинер-билинбес гана пайдубалы калган.