ИБРАИМОВ Искендер
ИБРАИМОВ Искендер (15. 1. 1932-жылы туулган, Талас облусу, Талас району, Кара-Ой айылы) – тарыхчы, тарых илимдеринин доктору (1970), профессор (1972). 1952-жылы КМУну бүтүргөн. 1957–61-жылдарда Пржевальск педагогикалык институтунун доценти, марксизм-ленинизм кафедрасынын башчысы, 1961–65-жылдарда Кыргызстан КП БКга караштуу партия тарыхы институтунун улук илимий кызматкери, 1965–79-жылдарда В. В. Маяковский атындагы Кыргыз кыз-келиндер педагогикалык институтунда тарых кафедрасынын башчысы, 1979-жылдан мамлекеттик тил ж-а гуманитардык илимдер институтунда кафедра башчысы, декан, проректор, 1993-жылдан Кыргыз тоо-кен ж-а металлургия институтунда кафедра башчысы. Кыргызстандын партиялык уюмунун тарыхына арналган 100дөн ашык илимий эмгектин (анын ичинде 6 монография) автору. «Ардак Белгиси» ордени м-н сыйланган.