ГИГРОСКОПТУУЛУК

ГИГРОСКОПТУУЛУК (гигро... ж-а гр. skopto – байкаймын) – материалдын абадан нымды сиӊирип алуу касиети. Гигроскоптуулук касиетке сууда нымдалуучу, ичке капиллярында ным конденсациялоочу капиллярдык майда тешикчелүү материалдар (мис., жыгачтар), ошондой эле сууда жакшы эрүүчү (туз, кант, концентраттык күкүрт кислотасы), айрыкча өзү м-н кристаллгидраттарды пайда кылуучу заттар ээ болушат. Зат сиӊирген нымдын саны (гигроскоптуу нымдуулук) абанын нымдуулугу көбөйгөн сайын чоӊоёт ж-а салыштырма нымдуулук 100% болгондо, эӊ жогорку мааниге жетет. Кээ бир гигроскоптуу заттар (мисалы, концентраттык күкүрт кислотасы) абаны кургатууда пайдаланылат.