КОРОР
КО́РОР – Палау Республикасындагы эң ири шаар. Корор аралында жайгашкан. Калкы 9,6 миң (2009). 1994-жылы шаар статусун алган. Шаар 2006-жылдын октябрына чейин өлкөнүн борбору болгон. Эл аралык аэропорту бар. Улуттук музей (анда кызыктуу табигый ж-а этнографиялык экспозициялар коюлган) бар. Балыкчылардын дербиси (жарышы; апрелде), Палау көркөм сүрөт искусствосунун фестивалы (июлда) өткөрүлүп турат. Туризм өнүккөн.