КОРУК
КОРУК – коргоого алынган жаратылыш аймагы. Жалпы жаратылыш комплексин мурдагы калыбында өзгөртпөй сактоо максатында уюштурулат. Мында чарбалык иштер жүргүзүлбөйт. Адатта, корук үчүн белгилүү географиялык зонага өтө мүнөздүү жерлер же илимиий жактан өтө баалуу табигый объектилер (айбанат ж-а өсүмдүк түрлөрү, тоо байлыктары ж. б.) бөлүнүп берилет. Анда жаратылышка ар тараптан илимий изилдөөлөр жүргүзүлөт. Кыргыздарда айдоо, эгиндүү, чабынды ж. б. ушул сыяктуу мал кайтарылуучу жайыт жерлер да корук деп аталат. Кыргызстанда Беш-Арал, Нарын, Сары-Челек, Ысык-Көл коруктары бар. Ала- Арча, Беш-Таш, Чоң Кемин ж. б. улуттук жаратылыш парктары уюшулган.