ВАДУЦ
ВАДУ́Ц – Лихтенштейн княздыгынын борбор шаары. Рейн дарыясынын өрөөнүндө. Калкы 5,4 млн (2017). Алгач 1150-жылдан эскерилет. 1342-жыл-
дан Вадуц княздыгынын борбору жана мезгил-мезгили менен графтыктын резиденциясы болгон. 1592-жылдан ярмарка өткөрүлөт. 1719-жылдан Лихтенштейн княздыгынын борбору. 1997-жылдан архиепископтун резиденциясы. 19–20-кылымдын курулуштары басымдуу. Сепил, «Лёвен» конок сарайы (1380), жаӊы готика стилиндеги кафедралуу Ыйык Флорина собору, жаӊы барокко стилиндеги өкмөт үйү, ратуша, музейлер бар. Текстиль, фармацевтика, так механика жана микроэлектроника буюмдарын чыгаруучу ишканалар иштейт. Туризм өнүккөн.