КӨГӨРҮҮ
КӨГӨРҮҮ , ц и а н о з – организмге кычкылтектин жетишсиздигинен, башкача айтканда, кандын курамындагы кычкылтек м-н кошулбаган гемоглобиндин көбөйүшүнөн теринин ж-а былжыр челдин көгөрүшү. Өпкөнүн жабыркашында (плеврит, пневмония ж. б.), жүрөк кемтигинде, ууланууда (анилин, нитробензол ж. б. м-н) жалпы көгөрүү байкалат. Кээде дененин айрым бөлүгүндө, кол бут венасында кан туруп калганда да көгөрөт.