ВАРИОМЕТР

ВАРИО́МЕТР (лат. vario – өзгөртөм ж-а ...метр) – 1) г е о ф и з и к а д а – кандайдыр бир геофизикалык чоӊдуктардын өзгөрүүсүн, мисалы, чыӊалуу убагында Жердин геомагниттик талаасынын өзгөрүүсүн, башкача айтканда магниттик вариациясынын (магниттик Вариометр), горизонттук багыттагы (гравитациялык Вариометр) жер бетине жакын оордук күчүнүн талаасынын өзгөрүүсүн аныктоочу прибор. Кен байлыктарды чалгындоодо пайдаланылат; 2) а в и а ц и я д а – учууда учуу бийиктигинин өзгөрүү ылдамдыгын аныктоочу прибор.