ГАРРИК

ГА́РРИК Дэйвид (19. 2. 1717, Херефорд – 20. 1. 1779, Лондонго жакын Элтрон) – актёр, театр ишмери, драматург, сынчы. Чыгармачылыгын спектаклдерге сын макалаларды жазуудан баштаган. Актёр катары «Гудменс-Филдс» театрында пантомимада Арлекинонун ролунда сыналган. Ричард IIIнүн ролун аткаруу м-н Англиядагы алдыӊкы актёрлордун катарына кошулган. «Друри-Лейн» театрында да атактуу ролдорду ойногон: Король Лир ж-а Гамлет (1742), Макбет (1744). Францияга ж-а Италияга саякатынан кийин Европага атагы чыккан. Искусствону жогору баалаган, атактуу агартуучулардын (Дидро, Гольбах, Гримм) сахна искусствосундагы теориялык иштерин үйрөнгөн. Гарриктин сөөгү Вестминстер аббаттыгында, Шекспирдин бюстунун түбүнө коюлган.