БҮРГӨНДҮ

БҮРГӨНДҮ – Жалал-Абад обл-нун Ноокен р-нундагы кыштак. Бүргөндү айыл округуна караштуу. Райондун борбору Масы кыш-нан 40 км батыш тарапта. Жалал-Абад темир жол бекетинен 88 км. Бишкек – Ош жолунун боюнда, деӊиз деӊг. 645 м бийиктикте жайгашкан. Калкы 1820 (2002); негизинен дыйканчылыкта эмгектенет. Орто мектеп, китепкана, турмуш-тиричилик комбинатынын бөлүмдөрү, оорукана бар. Кыштакта Соц. Эмг. Баатыры Ю. Момбеков туулган.