БҮРГӨНДҮ ЧОПО КЕНИ

БҮРГӨНДҮ ЧОПО КЕНИ Жалал-Абад облусунун Ноокен районунда, Бүргөндү кыштагынан 3 км батышта, деӊиз деӊгээлинен 760–800 м бийиктикте. 1990-жылы Түштүк Кыргыз геологиялык экспедициясы чалгындаган. Төртүнчүлүк мезгилинде пайда болгон, калыӊдыгы 15 мден ашкан кумайлуу чопо катмары конгломераттын үстүндө жатат. Кумайлуу чопо тыгыз, көзөнөктүү, бир түрдүү. «75», «100» маркадагы кыш өндүрүүгө жарамдуу. Запасы А категориясы боюнча 250 миӊ м³, В–490 миӊ м³, С1–1380 миӊ м³.