ВАЙГАЧ
ВАЙГА́Ч – Түндүк Муз океандагы арал. Баренц ж-а Кара (Карск) деӊиздеринин чек арасында. Архангел обл-на (РФ) карайт. Материктен Югор Шар, Жаӊы-Жер а-нан Кара Дарбазасы кысыктары аркылуу бөлүнөт. Аянты 3,4 миӊ км2дей. Түздүктүү рельеф басымдуу; жалдардын бийикт. 137 мге чейин. Арктикалык тундра мүнөздүү; саз көп. Калктуу пунктары: Вайгач, Долгая Губа, Варнек, Дыроватый. 1950-жылдан уюлдук станция иштейт.