БОРА

БОРА́ – деӊиз жээгиндеги айрым жерлерге мүнөздүү катуу соккон (40–60 м/сек) жергиликтүү муздак шамал. Көбүнчө жылуу деӊиздердин жапыз кырка тоолор менен чектеш жээктеринде болот. Мисалы, Адрия деӊизинин жээгинде, Кара деӊиздин Новороссийск шаары туштагы жээгинде байкалат. Адатта кышында пайда болот. Термин грекче түндүк, түндүктөн соккон шамал деген маанини билдирет.