БОРБОРДУК КЕЛИШИМ УЮМУ

БОРБОРДУК КЕЛИШИМ УЮМУ (СЕНТО; англ. The Central Treaty Organitation, CENTO) – Жакынкы жана Ортоӊку Чыгыштагы согуштук-саясий блок. 1955-жылы Багдад пактысына ылайык түзүлгөн. СЕНТОго Улуу Британия, Иран, Пакистан, Түркия, Ирак мамлекеттери жана 1956-жылы АКШ ассоциативдүү мүчө катары кирген. 1958-жылы Ирак уюмдан чыккандан кийин СЕНТОнун штаб-квартирасы Анкарага көчүрүлгөн. 1979-жылы мартта Иран менен Пакистан СЕНТОнун курамынан чыккан соң, Түркия өкмөтүнүн демилгеси менен 1979-жылы августтан Борбордук келишим уюму ишмердүүлүгүн токтоткон.