БӨЗ

БӨЗ – кебезден одуракай токулган кездеме. Ал кустардык жол менен жиби ийикте ийрилип, колдо токулуп, Орто Азия чөлкөмүндө кеӊири тараган. Бөздөн жумушка кийилүүчү атайын кийим, шейшеп жана ич кийим тигилген. Бөз бүгүнкү күндө текстиль фабрикасында токулган пахта кездемелеринен төмөнкү сорту жана наркынын арзандыгы менен айырмаланып, чарбалык максаттарга пайдаланылат.