БЛАНТАЙР

БЛАНТА́ЙР (Blanture), Б л а н т а й р - Л и м б е – Малави мамл-нин түштүгүндөгү шаар. Түштүк р-нун борбору. Калкы 800,2 миӊ (2018); калкынын саны б-ча өлкөнүн борбору Лилонгве ш-нан кийинки 2-шаар. Шире тайпак тоосунун этегинде жайгашкан. Жолдор тоому ж-а темир жол бекети. Эл аралык аэропорту бар. 1876-ж. шотландиялык миссионерлер тарабынан негизделип, саякатчы Д. Ливингстон жашаган шаардын атынан коюлган. 1895-ж. шаар статусун алган. Малави ун-тинин политех. ж-а мед. коллеждери, улуттук музей (1959) бар. Б.– өлкөнүн экон., соода ж-а өнөр жай борбору. Тамак-аш, жеӊил, хим., металл иштетүүчү өнөр жайы иштейт. А. ч. сырьёлору иштетилет. Тактай тилинет.