БОЗ КЕМПИР

БОЗ КЕМПИР, с о ф о р а (Sophora) – өсүмдүктөрдүн чанактуулар тукумундагы дайым жашыл, анча чоӊ эмес дарак же бадал. Жалбырагы татаал канаттай. Гүлү сары, саргыч, агыш, сыя көк түстө, чачы же шыпыргыдай топ гүлдүү. Чанагы цилиндрдей же төрт кырдуу. Май айында гүлдөп, мөмөсү августта бышып жетилет. КМШ өлкөлөрүндө 6 түрү бар. Гриффит Боз кемпири Кыргызстанда Разансай капчыгайында, Эчкили-Тоодо гана сейрек кездешкендиктен Кыргызстандын Кызыл китебине катталган. Япон Боз кемпири Кыргызстанда кооздук үчүн өстүрүлөт. Фергана тоолорунда жапайы түрү өсөт. Суукка чыдамсыз. Уулуу өсүмдүк. Андан дары, инсектициддер, боёк алынат.